ndung ndung kluwung ( manten anyar )

ojo di tutup cendelo iku
aku isih nyawang sliramu
sunar candikolo sumunar pasuryanmu
hayu memayu pepak uripku

tilas paes ageng mau awan
kebogiro sesautan shalawat badar
atiku lejar
caketno jana adohno nar

aku njaluk idi mu
bakal tak aras tlapukanmu
tak kanti marang samodro biru
lelumban tan ono aru

ora perlu ucap
atimu wis tanggap
tetembungan lan tetembangan
ora bakal pepak mayang wewayangan tresnaku

tetepo ing sanding
urip iki bakal ora ndrinding
tetepo ing caket
tetambaring maneko reruwet

ndung ndung kluwung sore iki
ayo erem eram sih Gusti










Segoromadu 02 feb 2010